«АЛМАТЫ ЭНЕРГЕТИКА ЖӘНЕ БАЙЛАНЫС УНИВЕРСИТЕТІНІҢ ХАБАРШЫСЫ» ғылыми-техникалық журналы 2008 жылы құрылған және «Ғұмарбек Дәукеев атындағы Алматы энергетика және байланыс университеті» коммерциялық емес акционерлік қоғамының мерзімді басылымы болып табылады.

Журнал Қазақстан Республикасы Білім және ғылым министрлігінің Білім және ғылым саласындағы бақылау комитеті ғылыми қызметінің негізгі нәтижелерін жариялау үшін ұсынатын ғылыми басылымдар тізбесіне (ҚР БҒМ Білім және ғылым саласындағы бақылау комитеті төрағасының 2012 жылғы «10» шілдедегі №1082 бұйрығына 1-қосымша) 2013 жылдан бастап «Физика-математика ғылымдары» және «Техникалық ғылымдар және технологиялар» (энергетика, информатика, радиотехника және байланыс бағыты бойынша) бөлімдері бойынша енгізілген.

«АЭжБУ хабаршысы» журналы жылына 4 рет (тоқсан сайын) шығады. Журналдың негізгі тақырыптық бағыты – электр энергетикасы, жылу энергетикасы, радиотехника және байланыс, автоматика, ақпараттық технологиялар, экология, өнеркәсіптік қауіпсіздік, салалар бойынша экономика, іргелі және әлеуметтік ғылымдар, Жоғары білім берудегі инновациялар.